نور الويب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصيده اسف يا بلادى

اذهب الى الأسفل

قصيده اسف يا بلادى Empty قصيده اسف يا بلادى

مُساهمة  Admin السبت فبراير 19, 2011 12:25 pm

اسف يا بلدى بكيت عليكى كتير
بكيت عليكى بمره..بحرقه..بكيت بقلب اسير
بكيت عليكى بجبن وخزى وعار....كسيح ع السرير
بكيت عليكى يا مصر لما انحنى عودى
بكيت وضاع صوتى من الصراخ عودى
ولما مسكنى اليأس دندنت على عودى
وفضلت اصرخ بحبك يا مر...يا ام الكرم جودى
وناس تقول مجنون وناس تقول مرووش
ماهواصل ماعرفوش..ان سوادالقلب طافح على الوشوش
عبدالله قاعدهناك ..وسعود عامل ملاك
وحسنى بيسقى شعبو كلام زايف مغشوش
بيقول هاتو العرب يسقفو ويخدو كام ملطوش
وارجع واقول اسف يا بلدى
قبضة حديد من نار وحاكم ما بيهموش
امسك يا نظيف القلم واكتب على شعبى الالم
دوس على قلب الوطن ..خلص وما اتسبهوش
ولما الباب يخبط قول مين....ما تفتحهوش
ويدخل عم شارون شالله يا شيخ العرب
بسرعه يالله يا واد....سييطه وهات البوارئ
واطرد ولاد الايه ابو دقن ما بحبوش
وطلع قانون الطوارئ واقتل بوش بشوش
واسمع كلام اوباما ومن قبلو عمو بوش
دول ناس خيرهم علينا وفينا ما غلطوش
وارجع واقول اسف يابلدى
تعبنا والله يا مصر وطال علينا الليل
منعونا من زرع خيرك وسرقو حتى النيل
ولما اصرخ واقول امسك حرامى اهو
اطلع انا الحرامى ويجيبو الف دليل
ما انا ابن كلب حرامى وهما حزب الوطب ويسقف الدلاديل
قتلو البرائه فينا وحياتنا هم ونكد
ولما نحاول نبكى يقولو ابنو البلد ووفرو المناديل
مناديل زكايب دهب ..وخير بالكوم يتنهب
وظلم مالو دين قران ولا انجيل
وارجع واقول اسف يا بلدى
والله حاجه تجنن اتناشر سنه وتتسنن
وفى لحظه البنت البريئه ست وبقالها جوز
قانونا ليه العجب ممكن تعييد فى رجب
ما اهو النظام عندنا بيمشيخ الارجوز
امبارح حرمو الثوره وصوت البنت عوره
يا عم يا ابو الفته فتتك مالها عوز
اسف يا شيخ المشايخ فتوتك مالها عوز
وحياة سيدك جمال والحق تحت القسم يتقال
قول الحق يا شيخ تعدم عنيك الجوز
صوتنا فى يوم الثوره كان نار ونور للكون
تحرق شبح الظلم اللى من سنين منبوز
يا ما سرقتو الصوت وكنا عبيد بالسوط
وارجع واقول اسف يابلدى
يا عم فتحى سرور ما عرفنا ايه المستور واتولع الدستور
سبعين مش عارف ايه؟وترزى قانون للبيه
والشعب بتييجو عليه مش لاقى توبين كستور
واللى قال الاه غيتونا يا اهل الله
جالو كلاب البيه وفى لحظه قبضو عليه
تخرج يا واد بكرامتك واللا بدراع مكسور
حبيب بيضرب فينا واللى يعارضو يا ويلو
يرفع ايديه على بقو وينادى يا مسرور
وعز بيسرق فينا ويلعن سلسفين اهلينا
والشيخ عبد الكرسى يجيب الحق علينا
اقسم لك بدمى يا بلدى ومن بعدى يشهد ولدى
انى اكون خدامك ساعة النضال قدامك
اقسم بكل اللى راحو بكل دم ولادك
اغسل خوفى بنيلك وكحل عيونى ترابك
وفى النهايه يا بلدى نهاية الطغيان
اصرخ واقول انا حر وعمرى ما كنت جبان
ويا رب اكمل فرحى بسوريا وعراق وايران
واصلى صلاه فى الاقصى ..سنتها فى لبنان
برفع دعائى اليك يا خالق الثقلان
تديم على مصر الفرحه وتحميها من الشيطان
Admin
Admin
المدير العام
المدير العام

عدد المساهمات : 52
تاريخ التسجيل : 18/02/2011

https://noralweb.ahlamountada.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى